Sábado: compromiso en Teixeiro

E para completar este fin de semana, II Ruada en Teixeiro. Esto ten moi boa pinta...! Non sabemos a hora á que tocaremos, pero o que si sabemos é que non podedes faltar porque dende o primeiro momento estará a Casa Miraz repleta de xente que nos fará disfrutar ao máximo dunha noite que por seguro non esqueceremos. Arredor das 21:00 h, xa sabedes!
As d'aló da vía, Os fillos de pepa a loba, Leirabuxo, Os melidaos, Froitonovo, No combaro, Escola de baile e gaita de Mesía, Pozo pequeno, Herba grileira, Santiaguiños de Boimorto, Maristela, Bico da Balouta, entre moitos outros... non se vos ocurrirá faltar, non? Do que se trata é de facer festa e disfrutar co que nos gusta!

E como Leirabuxo xa estivo o ano pasado en Teixeiro, aquí quedan uns vídeos.. Si, parece que medrou algo o grupo!

Pub Gatos, Venres 26 de Outubro

E este próximo Venres, 26 de Outubro, fomos convidados a amenizar un pouco a noite no Pub Gatos en Melide. Comezaremos arredor das 00:30. Vai ser unha noite na que contemos coa colaboración de alguén que nos axudará a facer algo distindo.. co que esperamos cando menos, sorprendervos.

Sobra dicir que contamos coa vosa presencia para pasalo ben xuntos unha vez máis.

Un saúdo dos Leirabuxos! 

35ª Noites de Tasca, Pontecarreira 5deOutubro2012

E por aquí andamos unha vez máis, para seguir amosándovos as fotos das nosas actuacións. Esta vez deixámosvos as da noite do 5 de Outubro na Pontecarreira. En verdade, foi unha noite espléndida: bailamos, cantamos, tocamos, e ante todo disfrutamos todos facendo o que nos gusta. Gracias a todos os que estivéstedes acompañándonos e axudándonos a pasar unha noite que estamos seguros, non esqueceremos.